Qazaqstan Respýblıkasy Qarjy mınıstrliginiń buıryǵy  №708

2015 jylǵy 28 jeltoqsan, Astana qalasy Advokattarǵa jáne zań máseleleri boıynsha basqa da táýelsiz mamandarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptardy bekitý týraly «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasy Zańynyń 11-baby 3-2-tarmaǵyna sáıkes buıyramyn: 1. Qosa berilip otyrǵan Advokattarǵa jáne zań máseleleri boıynsha basqa da táýelsiz mamandarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar bekitilsin. 2. Qazaqstan Respýblıkasy Qarjy mınıstrliginiń Qarjy monıtorıngi komıteti (B.Sh. Tájiıaqov) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkeýden ótkennen keıin kúntizbelik on kún ishinde osy merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde Qazaqstan Respýblıkasy Normatıvtik quqyqtyq aktileriniń etalondyq baqylaý bankine engizý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberilýin; 4) osy buıryqtyń Qazaqstan Respýblıkasynyń Qarjy mınıstrliginiń ınternet-resýrsynda ornalastyrylýyn qamtamasyz etsin. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Qarjy mınıstri B.SULTANOV. «KELISILDI» Qazaqstan Respýblıkasy Ádilet mınıstri _________ B.IMAShEV 20__ jylǵy «__» ___________ Qazaqstan Respýblıkasy Qarjy mınıstriniń 2015 jylǵy 28 jeltoqsanyndaǵy №708 buıryǵymen bekitilgen Advokattarǵa jáne zań máseleleri boıynsha basqa da táýelsiz mamandarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar 1. Jalpy erejeler 1. Osy Advokattarǵa jáne zań máseleleri boıynsha basqa da táýelsiz mamandarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar (budan ári – Talaptar) «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasynyń Zańyna (budan ári – Zań) jáne Aqshany jylystatýǵa qarsy kúrestiń qarjylyq sharalaryn ázirleý tobynyń (budan ári – FATF) Halyqaralyq standarttaryna sáıkes ázirlengen. 2. Osy Talaptarda qarjy monıtorınginiń sýbektilerine (budan ári – Sýbektiler) klıenttiń atynan nemese onyń tapsyrmasy boıynsha aqshamen jáne (nemese) ózge múlikpen operasııalarǵa qatysatyn jaǵdaılarda advokattar jáne zań máseleleri boıynsha basqa da táýelsiz mamandar jatady. 3. Talaptar maqsatynda mynadaı negizgi uǵymdar paıdalanylady: 1) qarjy monıtorıngine jatatyn operasııalar týraly málimetter men aqparattyń nysany – Qazaqstan Respýblıkasy Úkimetiniń 2012 jylǵy 23 qarashadaǵy № 1484 qaýlysymen bekitilgen Qarjy monıtorıngi sýbektileriniń qarjy monıtorıngine jatatyn operasııalar týraly málimetter men aqparat berý qaǵıdalarynda aıqyndalǵan nysan (budan ári – QM-1 nysany); 2) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderi – Sýbektilerdi qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý prosesterine nemese ózge qylmystyq áreketke qasaqana nemese baıqaýsyz tartý múmkindigi; 3) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý olardy táýekelderin basqarý – qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderiniń monıtorıngi, olardy aıqyndaý, sondaı-aq olardy tómendetý boıynsha Sýbektiler qoldanatyn sharalar jıyntyǵy (kórsetiletin qyzmetterge, klıentterge qatysty); 4) klıent – Sýbektiden kórsetiletin qyzmetterdi alatyn jeke nemese zańdy tulǵa; 5) ýákiletti organ – Zańǵa sáıkes qarjy monıtorıngin júzege asyratyn jáne qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jónindegi ózge de sharalar qoldanatyn memlekettik organ. 4. Ishki baqylaý: 1) Sýbektilerdiń qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly (budan ári – AJ/TQQ) Qazaqstan Respýblıkasy zańnamasynyń talaptaryn oryndaýdy qamtamasyz etýi; 2) ishki baqylaý júıesiniń tıimdiligin qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý (budan ári – AJ/TQ) táýekelderin basqarý úshin jetkilikti deńgeıde qoldaýy; 3) AJ/TQQ táýekelderin tómendetýi maqsatynda júzege asyrylady. 5. Sýbektiler Ishki baqylaý qaǵıdalaryn (budan ári – IBQ) uıymdastyrý jáne saqtaý boıynsha jaýapty tulǵa bolyp tabylady. Sýbekt klıenttiń atynan nemese onyń tapsyrmasy boıynsha aqshamen jáne (nemese) ózge múlikpen mynadaı qyzmetterge: jyljymaıtyn múlikti satyp alýǵa-satýǵa; aqshany, baǵaly qaǵazdardy nemese ózge múlikti basqarýǵa; banktik shottardy nemese baǵaly qaǵazdar shottaryn basqarýǵa; kompanııany qurý, qamtamasyz etý, onyń jumys isteýi nemese ony basqarý úshin qarajat jınaqtaýǵa; zańdy tulǵany qurýǵa, satyp alýǵa-satýǵa, onyń jumys isteýine nemese ony basqarýǵa qatysty operasııalarǵa qatysady. 6. Sýbektiler IBQ-in ázirleý, qabyldaý jáne (nemese) oryndaý boıynsha mindetterdi jáne ony júzege asyrý baǵdarlamalaryn oryndamaý úshin 2014 jylǵy 5 shildedegi «Ákimshilik quqyq buzýshylyq týraly» Qazaqstan Respýblıkasynyń Kodeksine sáıkes ákimshilik jaýaptylyqta bolady. 7. IBQ AJ/TQQ-ǵa baǵyttalǵan jumystyń uıymdastyrýshylyq negizderin retteıtin qujat bolyp tabylady jáne Sýbektilerdiń AJ/TQQ maqsatynda is-áreket jasaý tártibin belgileıdi. 8. IBQ Zańnyń 11-babynyń 3-tarmaǵyna sáıkes baǵdarlamalardy qamtıdy. 9. AJ/TQQ týraly zańnamaǵa ózgerister jáne (nemese) tolyqtyrýlar engizilgen jaǵdaıda, Sýbektiler kúntizbelik 30 kún ishinde IBQ-na tıisti ózgerister jáne (nemese) tolyqtyrýlar engizedi. 2. Ishki baqylaýdy uıymdastyrý baǵdarlamasy 10. Ishki baqylaýdy uıymdastyrý baǵdarlamasy: 1) AJ/TQQ maqsatynda ishki baqylaýdy júzege asyrǵanda Sýbektiler fýnksııalarynyń sıpattamasyn qosa alǵanda, ishki baqylaýdy uıymdastyrý tártibin; 2) Zańnyń 5-baby 3-tarmaǵynyń 1), 2), 2-1), 4) jáne 6) tarmaqshalarynda kózdelgen sharalardy qoldaný múmkin bolmaǵan jaǵdaıda klıentterge iskerlik qatynastar ornatýdan bas tartý, aqshamen jáne nemese ózge múlikpen operasııa jasaýdan bas tartý jáne Zańnyń 5-babynyń 3-tarmaǵyndaǵy 6) tarmaqshalarynda kózdelgen sharalardy qoldaný múmkin bolmaǵan jaǵdaıda klıentpen iskerlik qatynastartardy toqtatý tártibin; 3) zerdeleýge jatatyn kúrdeli, erekshe iri jáne basqa da erekshe operasııalardy Sýbektilerdiń kúdikti operasııa retinde taný tártibin; 4) ýákiletti organǵa málimetterdi, aqparatty jáne qujattardy berý úshin qoldanylatyn avtomattandyrylǵan aqparattyq júıeler jáne baǵdarlamalyq qamtý jumysynyń nusqamalary men reglamentterin qosa alǵanda, ýákiletti organǵa qarjy monıtorıngine jatatyn operasııalar týraly málimetter men aqparatty, klıentpen iskerlik qatynastar ornatýdan bas tartý, klıentpen iskerlik qatynastardy toqtatý, aqshamen jáne (nemese) ózge múlikpen operasııa júrgizýden bas tartý faktilerin berý tártibin; 5) klıenttiń dereknamasyn jáne onymen hat-habar almasýdy qosa alǵanda, klıentti tıisinshe tekserý nátıjeleri boıynsha alynǵan qujattar men málimetterdi, qarjy monıtorıngine jatatyn aqshamen jáne (nemese) ózge múlikpen operasııalar, sonymen qatar kúdikti operasııalar týraly qujattar men málimetterdi, sondaı-aq barlyq kúrdeli, erekshe iri jáne basqa da erekshe operasııalardy zerdeleý nátıjelerin qujattyq tirkeý jáne saqtaý tártibin qamtıdy. Qarjy monıtorıngine jatatyn jáne ýákiletti organǵa jiberiletin operasııalardy qujattyq tirkeý nómirlengen, tigilgen, Sýbektiniń qolymen jáne mórimen bekitilgen qarjy monıtorıngine jatatyn operasııalar týraly málimetter esebiniń jýrnalynda jazylady. Qarjy monıtorıngine jatatyn operasııalar týraly málimetteriniń esebi jýrnalynda: aqparatty ýákiletti organǵa berý nómiri men kúni; habarlama jiberý negizi; ýákiletti organnyń QM-1 nysanyn qabyldaýy/qabyldamaýy týraly habarlama nómiri men kúni tirkeledi. 10. Ishki baqylaýdy uıymdastyrý baǵdarlamasyna sáıkes Sýbektilerdiń fýnksııalary: 1) IBQ-na ózgerister men (nemese) tolyqtyrýlar engizýdi; 2) Zańǵa sáıkes qarjy monıtorıngine jatatyn operasııalar týraly málimetter men aqparatty ýákiletti organǵa berýdi uıymdastyrýdy jáne baqylaýdy; 3) klıent operasııalaryn kúdikti retinde taný týraly sheshimder qabyldaýdy; 4) klıent operasııalaryn kúrdeli, erekshe iri jáne basqa da erekshe operasııalarǵa jatqyzý týraly sheshim qabyldaýdy; 5) klıent operasııalaryn júrgizýden bas tartý jáne ýákiletti organǵa joldaý qajettiligi týraly sheshim qabyldaýdy; 6) klıenttermen iskerlik qatynastar ornatý, jalǵastyrý ne toqtatý týraly sheshim qabyldaýdy; 7) klıenttiń (onyń ókiliniń) jáne benefısıarlyq menshik ıesiniń operasııalaryna qatysty qabyldanǵan sheshimderdi qujattap tirkeýdi; 8) IBQ iske asyrý nátıjesinde alynǵan derekter negizinde klıenttiń dereknamasyn qalyptastyrýdy; 9) táýekelderdi basqarý jáne Ishki baqylaý júıelerin jaqsartý jóninde sharalar qoldanýdy; 10) klıenttiń dereknamasyn jáne onymen hat-habar almasýdy qosa alǵanda, klıentti tıisinshe tekserý nátıjeleri boıynsha alynǵan qujattar men málimetterdi, qarjy monıtorıngine jatatyn aqshamen jáne (nemese) ózge múlikpen operasııalar jáne kúdikti operasııalar týraly qujattar men málimetterdi, sondaı-aq barlyq kúrdeli, erekshe iri jáne basqa da erekshe operasııalardy zerdeleý nátıjelerin klıentpen iskerlik qatynastardy toqtatqan kúnnen bastap keminde bes jyl saqtaýdy qamtamasyz etýdi qamtıdy, biraq olarmen shektelmeıdi; 12. Sýbektiler júktelgen fýnksııalarǵa sáıkes: 1) óz qyzmetin júzege asyrý barysynda alynǵan aqparattyń qupııalylyǵyn qamtamasyz etedi; 2) AJ/TQQ týraly zańnamanyń oryndalýyn baqylaýdy júzege asyrý úshin tıisti memlekettik organdarǵa aqparat beredi; 3) ýákiletti organǵa onyń suratýy boıynsha AJ/TQQ týraly Zańńyń 10-babynyń 3-1-tarmaǵyna sáıkes qajetti aqparatty, málimetter men qujattar beredi. Sýbekt klıentter men ózge de adamdarǵa osyndaı klıentter týraly jáne olar jasaıtyn operasııalar týraly aqparatty, málimetter men qujattardy ýákiletti organǵa bergeni týraly habarlaýǵa quqyly emes. 3. AJ/TQ táýekelin basqarý baǵdarlamasy 13. AJ/TQ táýekelin basqarý baǵdarlamasynda klıenttiń operasııasyn júzege asyratyn adamnyń táýekel deńgeıin berý arqyly AJ/TQ baılanysty klıenttiń aqshamen jáne nemese ózge múlikpen operasııalaryn júrgizý táýekeline baǵa berý kózdeledi. Táýekel deńgeıleri klıent týraly qolda bar málimetter negizinde qalyptastyrylady. Táýekelderdi baǵalaý qorytyndylary qujattap tirkeledi jáne tıisti memlekettik organdardyń men músheleri Sýbekti múshe bolyp tabylatyn qarjy emes uıymdardyń talaptary boıynsha usynylady. Klıentke berilgen táýekelder deńgeıi qajettiligi boıynsha, biraq jylyna keminde bir ret qaıta qaralýy tıis. 14. AJ/TQ táýekelin basqarý baǵdarlamasynda táýekeldiń joǵary deńgeıi: 1) mynadaı: FATF usynymdaryn oryndamaıtyn jáne (nemese) jetkilikti oryndamaıtyn; jemqorlyq joǵary deńgeıdegi; qylmystyq áreketteri joǵary deńgeıdegi; Birikken Ulttar Uıymynyń (budan ári – BUU) salatyn sanksııalarǵa, embargo jáne sol sııaqty sharalarǵa ushyraǵan; terrorıstik (ekstremıstik) áreketterdi qarjylandyratyn nemese qoldaý kórsetetin jáne belgilengen terrorıstik (ekstremıstik) uıymdary bar memleketten (aýmaqtan) kelgen klıentterdiń iskerlik qatynastary men mámilelerine. Osyndaı memleketterdiń (aýmaqtardyń) tizbelerine BUU jáne halyqaralyq uıymdardyń derekteri boıynsha siltemeler ýákiletti organnyń resmı ınternet-resýrsynda jarııalanady; 2) mynadaı jaǵdaılarda klıentke: klıent sheteldik jarııa laýazymdy tulǵa bolyp tabylǵan; klıent jarııa halyqaralyq uıymnyń laýazymdy tulǵasy bolyp tabylǵan; klıent sheteldik jarııa laýazymdy tulǵanyń múddesine (paıdasyna) áreket etetin tulǵa bolyp tabylǵan; klıent sheteldik jarııa laýazymdy tulǵanyń zaıyby, jaqyn týysy bolyp tabylǵan; klıent (onyń ókili) ne klıenttiń operasııa boıynsha benefısıarlyq menshik ıesi Qazaqstan Respýblıkasynyń Normatıvtik quqyqtyq aktilerdi memlekettik tirkeý tiziliminde № 6058 tirkelgen «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» Qazaqstan Respýblıkasy Zańynyń maqsattary úshin Offshorlyq aımaqtar tizbesin bekitý týraly» Qazaqstan Respýblıkasy Qarjy mınıstriniń m. a. 2010 jylǵy 10 aqpandaǵy № 52 buıryǵymen (budan ári – Buıryq) bekitilgen offshorlyq aımaqtar tizbesine engen memlekette tirkelgen nemese qyzmetin júzege asyrǵan; klıent kontragenti operasııa boıynsha buıryǵymen bekitilgen offshorlyq aımaqtar tizbesine engen memlekette nemese aýmaqta tirkelgen nemese qyzmetin júzege asyrǵan; klıent Zańnyń 12-babyna sáıkes Terrorızmdi jáne ekstremızmdi qarjylandyrýǵa baılanysty uıymdar men tulǵalardyń tizbesine engen; klıent azamattyǵy joq adam bolyp tabylǵan; klıent Qazaqstan Respýblıkasynda tirkelgen nemese kelgen mekenjaıy bolmaǵan Qazaqstan Respýblıkasynyń azamaty bolyp tabylǵan; klıent rezıdent emes bolyp tabylǵan; klıent jarǵylyq kapıtalynda memlekettik menshik úlesi bar uıym bolyp tabylǵan; memlekettik tirkeý kezinde klıenttiń málimdegen orny onyń basqarý organynyń is júzindegi qyzmet ornymen sáıkes kelmegen; klıentpen iskerlik qatynas (mysaly, Sýbekti men klıenttiń arasynda túsiniksiz geografııalyq araqashyqtyq bar) erekshe jaǵdaılarda júzege asyrylǵan; klıenttiń qyzmeti qolma-qol aqshanyń qarqyndy aınalymymen baılanysty bolǵan; Sýbektilerde klıent bergen málimetterdi tekserý kezinde qıyndyqtar paıda bolǵan; klıent is-áreketti tezdetýdi talap etken; klıent paıdalanylýy Sýbektilerdiń ádettegi tájirıbesinen aıryqshalanatyn standartty emes nemese esep aıyrysýdyń kúrdeli shemalaryn júrgizýdi talap etken; klıent jańa, sol sııaqty qolda bar ónimderge berýdiń jańa tetikterin, jańa nemese damyp kele jatqan tehnologııalardy qosa alǵanda, jańa ónimderdi jáne jańa iskerlik tájirıbeni qoldanǵan; klıent qarjy monıtorıngi rásimderinen jaltarýǵa baǵyttalǵan is-qımyl jasaǵan; klıent kommersııalyq emes uıym bolyp tabylǵan; klıenttiń operasııalary buryn kúdikti dep tanylǵan; AJ/TQ-nyń joǵary táýekeline baılanysty klıent týraly aqparat bolǵan; 3) mynadaı: taraptardyń is júzinde qatysýynsyz júrgiziletin; belgisiz nemese baılanysty emes úshinshi tulǵanyń atynan nemese onyń paıdasyna júrgiziletin; qolma-qol esep aıyrysýdy qosa alǵanda, jasyryn bank shottarymen nemese jasyryn, oılap tabylǵan esimderdi qoldanýǵa baılanysty; aıqyn ekonomıkalyq máni joq nemese anyq qoıylǵan zańdy maqsaty joq; klıenttiń oǵan tán emes jıilikpen ne osy klıent úshin erekshe iri somaǵa júrgizilgen; AJ/TQ-nyń joǵary táýekeliniń deńgeıi týraly aqparat bar bolǵan operasııalarǵa beriledi. AJ/TQ táýekeliniń joǵary deńgeıi berilgen klıentterge Zańnyń 5-baby 7-tarmaǵyna sáıkes klıentterdi tıisinshe tekserýdiń kúsheıtilgen sharalary qoldanylady. AJ/TQ táýekelin basqarý baǵdarlamasynda táýekeldiń tómen deńgeıi: 1) mynadaı: Zańnyń 4-tarmaǵynyń 4-tarmaqshasyna sáıkes FATF usynystaryn oryndamaıtyn jáne (nemese) jetkilikti oryndamaıtyn memleketter (aýmaqtar) tizbesine enbegen; jemqorlyq nemese ózge qylmystyq áreketteri tómen deńgeıdegi memleketten (aýmaqtan) kelgen jeke jáne zańdy tulǵalardyń iskerlik qatynastary men mámilelerine; 1) klıentke eger klıent: qarjy mekemesi – qarjy monıtorıngi sýbektisi bolǵan jáne sońǵy bir jylda AJ/TQQ týraly zańnamany saqtamaǵany úshin ákimshilik jaýapkershilikke tartylmaǵan jaǵdaıda; Qazaqstan Respýblıkasynyń memlekettik organy bolyp tabylǵanda; Qor bırjada tirkelgen uıym bolyp tabylǵanda; 3) mynadaı: memlekettik qyzmetshilerdiń múlikti (kommersııalyq uıymdardyń jarǵylyq kapıtalyndaǵy úlesterdi, aksııalardy jáne ózge múlikti, sonymen qatar jaldaýǵa berilgen múlikti) senimgerlikpen basqarýǵa berý boıynsha; múlikti paıdalaný tártibi týraly shartty kýálandyrýmen baılanysty operasııalarǵa beriledi. AJ/TQ táýekeliniń tómen deńgeıi berilgen klıentterge AJ/TQQ týraly Zańnyń 5-baby 7-tarmaǵyna sáıkes klıentterdi tıisinshe tekserýdiń jeńildetilgen sharalary qoldanylady. 4. Klıentterdi sáıkestendirý baǵdarlamasy 15. Klıentterdi sáıkestendirý baǵdarlamasy klıent júzege asyrǵan operasııalardy qarjylandyrý kózi týraly málimetterdi qosa alǵanda, klıent (onyń ókili) týraly málimetterdi anyqtaý, buryn alynǵandy jańartý boıynsha is-sharalardy Sýbektilerdiń júrgizýi bolyp tabylady jáne: 1) Zańnyń 5-babynyń talaptaryna sáıkes klıentti (onyń ókilin) tıisinshe tekserý jónindegi sharalardy saqtaý; 2) Zańnyń 5-baby 3-tarmaǵynyń 6) tarmaqshasyna sáıkes klıent (onyń ókili) týraly málimetterdiń durystyǵyn tekserý; 3) Zańnyń 12-babyna sáıkes Terrorızmdi jáne ekstremızmdi qarjylandyrýǵa baılanysty uıymdar men tulǵalardyń tizbesinde kózdelgendeı klıentke (onyń ókiline) qatysty olardyń terrorızmdi jáne ekstremızmdi qarjylandyrýǵa baılanysynyń baryn nemese joǵyn tekserý; 4) Zańnyń 8-babynyń talaptaryna sáıkes klıenttiń sheteldik jarııa laýazymdy tulǵaǵa, onyń otbasy múshelerine jáne jaqyn týystaryna jatatynyn jáne (nemese) qatystylyǵyn tekserý; 5) mynalardy: FATF usynymdaryn oryndamaıtyn jáne (nemese) jetkilikti oryndamaıtyn memlekette (aýmaqta) ne AJ/TQQ týraly Zańnyń 4-baby 4-tarmaǵy 4) tarmaqshasyna sáıkes kórsetilgen memle­kette (kórsetilgen aýmaqta) tirkelgen banktegi shottardy paıdalanatyn klıentterdi anyqtaý; Buıryqpen bekitilgen offshorlyq aımaqtarda sáıkesinshe tirkelgen, turatyn jeri jáne ornalasqan jeri bar klıentterdi anyqtaý; 6) boljamdalatyn maqsatty jáne iskerlik qatynastar sıpatyn belgileý rásimderin qamtıdy. AJ/TQ táýekeliniń joǵary deńgeıi bar klıent úshin boljamdalatyn maqsatty jáne iskerlik qatynastar sıpatyn belgileý kezinde qyzmet túri jáne jasalatyn operasııalardyń qarjylandyrý kózi týraly qosymsha málimetter suratylady. AJ/TQ táýekeliniń tómen deńgeıi bar klıent úshin boljamdalatyn maqsatty jáne iskerlik qatynastar sıpatyn belgileý klıent operasııalary sıpatynyń negizinde anyqtalady. 7) berilgen táýekel deńgeıine qaraı klıentke táýekelderdi basqarý baǵdarlamasyna sáıkes klıentti tıisinshe tekserý boıynsha sharalar qoldaný; 8) klıent (onyń ókili) týraly sáıkestendirilgen málimetterdiń ózgerýine qaraı sáıkestendirý nátıjeleri týraly alynǵan málimetterdi jylyna keminde bir ret jańartý rásimderin qamtıdy; AJ/TQ táýekeliniń joǵary deńgeıi bar klıent (onyń ókili) týraly málimetterdi jańartý jarty jylda keminde bir ret júzege asyrylady. AJ/TQ táýekeliniń tómen deńgeıi bar klıent (onyń ókili) týraly málimetterdi jańartý eki jylda keminde bir ret júzege asyrylady. Klıentke iskerlik qatynastardy ornatýdan jáne aqshamen jáne (nemese) ózge múlikpen operasııa jasaýdan bas tartylǵan jaǵdaıda, AJ/TQQ týraly Zańnyń 5-baby 3-tarmaǵynyń 1), 2), 2-1), 4) jáne 6) tarmaqshalarynda kózdelgen sharalardy qoldaný múmkin bolmaǵan jaǵdaıda, sondaı-aq aqshamen jáne (nemese) ózge múlikpen operasııalardy toqtatyp qoıý sharalary qoldanǵan jaǵdaıda Sýbektiler ýákiletti organdarǵa QM-1 nysany boıynsha osyndaı bas tartý faktisi jóninde habarlama jiberedi. Zańnyń 5-baby 3-tarmaǵynyń 6) tarmaqshasynda kózdelgen sharalardy qoldaný múmkin bolmaǵan jaǵdaıda, sondaı-aq klıent jasaıtyn operasııalardy zerdeleý prosesinde klıent iskerlik qatynastardy AJ/TQ maqsatynda paıdalanady degen kúdik týyndaǵan jaǵdaıda, Sýbektiler klıentpen iskerlik qatynastardy toqtatady. Eger iskerlik qatynastar joǵaryda kórsetilgen negizder boıynsha toqtatylsa, Sýbektiler ýákiletti organǵa QM-1 nysany boıynsha habarlama jiberedi. 5. Klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamasy 16. Sýbektiler Zańnyń 4-babyna sáıkes operasııalardy anyqtaýdy qamtıtyn, klıent­terdiń kúrdeli, erekshe iri jáne basqa da erekshe operasııalaryn zerdeleýdi qosa, klıentterdiń operasııalaryna monıtorıng júrgizý jáne olardy zerdeleý baǵdarlamasyn ázirleıdi. 17. Sýbekt klıentke AJ/TQ táýekeliniń joǵary deńgeıin bergen jaǵdaıda josparlanǵan nemese júrgizilgen operasııalardyń sebepterin anyqtaý maqsatynda klıenttiń osy Sýbektide ótkizgen barlyq operasııalaryn qosymsha zerdeleıdi jáne odan ári tekserýdi talap etetin operasııalardyń sıpatyn anyqtaıdy. Sýbekt klıentke AJ/TQ táýekeliniń tómen deńgeıin bergen jaǵdaıda klıenttiń aǵymdaǵy operasııasyn zerdeleıdi. 18. Klıentterdiń operasııalaryna monıtorıng júrgizý jáne olardy zerdeleý baǵdarla­masyn iske asyrý sheńberinde alynǵan málimetter qujattap tirkeledi jáne klıenttiń dereknamasyna engiziledi. 19. Zańnyń 4-babynyń 1, 2 jáne 3-tarmaqtarynda kórsetilgen klıentterdiń anyqtalǵan operasııalary týraly málimetter men aqparattar ýákiletti organǵa QM-1 nysany boıynsha beriledi. 20. Mindetti zerdeleýge jatatyn operasııalar týraly habarlamany Sýbektiler osyndaı operasııa kúdikti retinde tanylǵan kúnnen keıingi kelesi jumys kúninen keshiktirmeı ýákiletti organǵa beredi. 6. AJ/TQQ máseleleri boıynsha daıarlaý jáne oqytý baǵdarlamasy 21. AJ/TQQ máseleleri boıynsha daıarlaý jáne oqytý baǵdarlamasy Normatıvtik quqyqtyq aktilerdi memlekettik tirkeý tiziliminde №10001 tirkelgen «Qarjy monıtorıngi sýbektilerin jumyskerlerdi daıarlaý jáne oqytý boıynsha qoıylatyn talaptardy bekitý týraly» Qazaqstan Respýblıkasy Qarjy mınıstriniń 2014 jylǵy 28 qarashadaǵy №533 buıryǵymen bekitilgen Qarjy monıtorıngi sýbektilerin jumyskerlerdi daıarlaý jáne oqytý boıynsha qoıylatyn talaptarǵa sáıkes ázirlenedi. Buıryq Qazaqstan Respýblıkasynyń Ádilet mınıstrliginde 2016 jylǵy 17 naýryzdaǵy Normatıvtik quqyqtyq kesimderdi memlekettik tirkeýdiń tizilimine №13500 bolyp engizildi.